السبت، 28 فبراير 2015

#يوميات_فى _مترو_مصر



المترو دا مش وسيلة مواصلات وبس لا دا وطن وطن لناس ملهاش غيره وطن لناس مبتركبش غيره يوميا واحيانا فى اليوم حوالى اكتر من مرتين تلاته تقريبا انا بركب المترو من موسم 2001 _ 2002 ايوة موسم دا بقى كان موسم السقيع "الثانوية العامة " وسنينها الجميلة المهم مش موضوعنا الموضوع ان انا هحاول اوصل صورة عن عالم #مترو_مصر حضرتك اول ما هتركب المترو هتحس بالدفى اجبارى وممكن توصل لحد انك تعرق كمان هاتلى بقى مواصله فى البلد بتحسسك بالدفى دا يعنى فى الشتا مبتحسش بحاجة وفى الصيف متلبسش اى حاجة وانت جاى تركب "متلبسش اى حاجة بتحرر " هتركب المترو هتلاقى تصنيفات لناس يمكن عمرك ما قابلتها فى الشارع او فى مواصله فوق الارض يعنى لانهم معظمهم بيعتمد عليه كوسيله مواصلات هتلاقى اللى بيقرأ قرأن فيه اللى بيقرأ فى سره وفيه اللى بيقرأ بصوت عالى وطبعا الحاجة الجميله اللى فى الموضوع انى بلاقى شباب كتير من ضمن الصنف الاول دا ..., وفى صنف تانى دا بقى صنف التعبانين والشقاينين بجد هتلاقى ناس كبيرة وصغيرة بيغلبها النوم هتلاقى طفل زنان هتلاقى ام غلبانه واب غلبان هتلاقى شباب بيكون نفسه وطالع عينه وهتلاقى مجموعة رغايين ونمامين وستات بتركب فى عربية الرجالة عشان الرجالة جدعان وبيقوموا يقفوا ويقعدوهم وهتلاقى واحدة ماسكة الباب فى عربية السيدات عشان المترو ميمشيش لان فى راجل راكب معاهم هتلاقى شباب بيعاكس وهتلاقى شباب جدعان ردوا وقالوا ميصحش  هتلاقى بنات بتضحك وبنات شايله هم مين تعبان عندها و بنات هيمانه عشان حبيبة قالها كلمتين حلوين و هتلاقى الضحكة او الزعل بيصرخ من جوا كل واحد او واحدة واقف فى المترو زى بالبلدى كدا نص بيضحك والتانى زعلان هتلاقى بياع طالع معاه شهادة جامعيه بيبيع " ايوة يا حضرات بصلى وركز فى العرض الجامد معايا مقوار يقور جميع انواع اى حاجة عايزة تتقور والتلاته بـ5ـــ خمسه " وهتلاقى التانى " ايوة ايوة ايوة ياباشا ايوة يا مودام معايا لعبه لحمادة ولعبه لليلى لعبه العيد مسدس بالطلق بتاعه والاربعه بـ10ــ عشرة " وهتلاقى واحد " سلى نفسك يابيه  سلى نفسك يا انسة معايا لبان وعسليه سادة وبسمسم ومناديل واى  حاجة بـ1ــ بجنيه " وهتلاقى غيرهم وغيرهم وبيبوعوا كل حاجة حتى كروت الشحن وهتلاقى البنت الصغيرة او الولد الصغير اللى طالع او طالعه بيوزعوا مناديل او لبان على رجل كل اللى قاعدين ويجى اللى فيه النصيب بقى "

فى المترو هتلاقى حاجات غريبة بتحصل حاجات تضحكك من القلب انك تلاقى بياع طالع بيبيع صفافير واول ما طلع قال " استغفر الله سامحنى يارب .... معلش يا جماعه انا طالع ابيع صفافير بتصفر لواحدها يعنى لو بتنادى على صاحبك متتعبش نفسك وصفرله لو بتربى حمام فوق السطح صفرله بيها " وهتلاقى مترو ماشى على مهله ومترو عطلان وهتلاقى سواق ساب المترو فى المحطة وقفل الباب على الناس واقف ليه مستنى مترو الناحيه التانيه ليه اصل خايف لا يخبط فى اللى جاى بالمناسبة المترو اتعمل فى مصر لوى دراع عشان الفرنسين ميسحبوش توكيل بيجو من مصر وقعدوا من سنه انشائة لحد مش عارف سنه كام بياخدوا حوالى 60 % من الارباح وساعتها التذكرة كانت بــ 50 قرش واول ما المصريين حطوا ايدهم عليه قالوا يعوضوا الفترة دى رفعوا سعر التذكرة لــ75 قرش  وحبه وخلوها بــ 1 جنيه حتى الان طبعا بس كنت سمعت انهم هيغلوها عشان بيقولوا هيسمعوه الناس موسيقى احلى حاجة فى ادارة مترو مصر انهم بياخدوا وسائل الترفيه من ادارات العالم بس مش بياخدوا الجوانب الكويسة زى مثلا معالجة ان السواق بيمشى على مهله زى ان المترو بيتاخر اصلا زى ان الموضوع جميل اوى فى اى مترو تانى الا مترو مصر وبجد الحاجة الوحيدة فى مترو مصر ناسه اللى بتركب فيه بس تلاقى شباب تبص فى وشهم تلاقى امل لبكرة ويركب غيرهم يشتمواتنسى الامل اللى كان عندك وتستغفر ربك و تلاقى شباب طالعه تلعب اى لعبه وساعتها ترجع عمرك لحد ما كنت صغير " صلح , ثبت صنم " وغيرهم بس دول اللى حضرتهم  وتلاقى اللى بيتكلم فى السياسة و تلاقى اللى بيتكلم فى الكورة وتلاقى اللى بيشكى حال البلد بس الناس كلها بتتفق على حاجة واحدة ان الشتيمة حق لكل حد مضايقنى او مضايق اى حد  فى اى حاجة طبعا وفجأة تيجى محطتك اللى هتنزل فيها ويجى واحد يركب مكانك ويكمل حكاويك جرب تركب المترو فى يوم وحط الهاند فرى من غير ما تشغله وشوف هتسمع حكاوى اية يمكن تكون واقعة منى حكاوى تانيه كتير دى قلوب بتتكلم مش مجرد ناس راكبه المترو وبكدا توتا توتا خلصت الحدوتة .... " المترو حياه اللى فيها مش زى اللى براها ادخل جرب تعيش جو #يوميات_فى_مترو_مصر "  ويارب تعجبكم يارب 

الأحد، 13 أبريل 2014

16 / مش بالضرورى

مش بالضرورى لما اكون بتكلم لازم احسب كلامى ليه انت متفهمنيش
 مش بالضرورى لما ابقى متعصب تاخد كل الكلام عليك عارفك حساس بانت فاهمنى
مش بالضرورى نفكر بطريقة شمال ونبقى فاكرين كل الناس شمال
مش بالضرورى لما تلاقى حاجة بتحبها راحت منك يبقى الدنيا اتقفلت فى وشك لا يمكن ربنا شايلك حاجة احسن
مش بالضرورى تلاقى كل الناس عاوزة منك حاجة او مصلحه يمكن بيسأل عليك كدا فعلا
مش بالضرورى تتدخل فى اللى ملكش فيه يمكن تيجى تقول كلمة خير تلبسك اى حد فى الحيط
مش بالضرورى اللى خايف عليك بزعيق بيكرهك ما يمكن دا اسلوب خوفه
مش بالضرورى لما مديرك يزعلك تقفل يومك افرح وفكك
مش بالضرورى لما تسألنى ومحكيش يبقى انا مش بحبك لا يمكن مش عايز اشيلك فوق طاقتك اصل البنى ادم طاقات
مش بالضرورى نعمل ثورة تانيه ويموت ناس تانيه يمكن قربنا ننسى اسمائهم  والنفوس زى ما هى متصلحتش
مش بالضرورى نقفل يومنا عشان ناس متستهلش       
مش بالضرورى تبقى مخنوق من اى حاجة فى اى حاجة لما ممكن تديها بلح
مش بالضرورى كل احلامك تتحقق بس كفاية انك قادر تحلم
مش بالضرورى تبقى عايز تلم كل حاجة بتحبها فى مكان واحد كفاية حاجة او اتنين يغنوك عن اى حاجة
مش بالضرورى تبقى ناجح فى شغلك على حساب حياتك الشخصية خليك فى الوسط
مش بالضرورى تعمل الغريب عن الناس عشان تلفت الانظار ليك بشتيمة او غيره لمجرد انك مختلف
مش بالضرورى تبقى عصبى وفى النهاية انت بس اللى هتعانى من عصبيتك
مش بالضرورى تدور على الحب هو هيجيلك لحد عندك اصل اللى بيحيك هيدور عليك
مش بالضرورى تعيش وحيد دور حواليك هتلاقى ناس بتحبك كتير
مش بالضرورى تبقى مغرور عشان من تواضع لله رفعه وهتقابل مشاكل كتير
مش بالضرورى تبقى على تويتر وفيش بشخصية وفى الواقع بشخصية كدا هتتعب اوى
مش بالضرورى تبقى معارض او مؤيد فى النهاية كله لمصلحه بلدك بس اللى مش ضرورى عصبيتك ونرفزتك
مش بالضرورى تبقى فاهم فى السياسة او تتكلم فيها كتير دى حتى بتاخر العمر وبتجيب اكتئاب
مش بالضرورى تتكلم كتير عشان تدارى اللى جواك لما ممكن تختصر وتحكى اللى جواك على طول
مش بالضرورى تلف وتدور لما ممكن تجيب من الاخر عشان لا تتعب نفسك ولا تتعب حد معاك
مش بالضرورى تكتم غيرتك لما ممكن تطلعها وتنفخ حبيبك ماهو حقك
مش بالضرورى تحب 100 واحدة عشان تبقى ولد برنس لما ممكن تكتفى بواحدة تعوضك عن مليون بنت
مش بالضرورى تلعب ببنات الناس أصلها داين تدان
مش بالضرورى تعادى الناس عشان فاكر نفسك صح مايمكن المرة دى انت غلطان بس مش حاسيس
مش بالضرورى تظلم حد عشان مصلحتك ولا حتى تبقى مظلوم عشان تبان كويس

مش بالضرورى تقرأ كلامى ما يمكن مالوش لازمة #ديسو 

الجمعة، 11 أكتوبر 2013

15 / انا غيرك معنديش



انا غيرك معنديش كلمة حلوة اوى معبرة شوية بشوفك فيها طبعا لما بتتقال اقولك على حاجة انا معنديش غيرك معرفش اعيش من غيرك بحبك حب غير متوقع وانتى عارفة انى بغير عليكى وعايز احطك جوا جيبى واخبيكى من كل الناس واقول ضاعت والمصيبة انك عارفة بس تقريبا اخطائتى فى تقدير معرفتك بمعنى انك حطيتى نسبة لجنون حبى بيكى ودا خطاء لانه بكل بساطة مالوش نسبة عارفة يعنى اية ابقى بكلمك ومش عايز اسمع غيرك عارفة يعنى اية ابقى مش عايز حد يقاطعك او يكلمك مش مقدر اه طظ فى اى حد غيرك ماليش انا ببقى عايز افرحك بس ادامك بقى شبه البطة البلدى واجى اصالحك ببهدل الدنيا واطينها اكتر بس برضو فيكى حاجة عجبانى بس وقت الغضب محدش بيعرف ابوه بقى :P وانتى نفسك كدا نفسى احققلك كل اللى تتمنيه بس بفكر لبعدين ودى حاجة تعبانى وانتى واخدة بالك تقريبا سايبها على الله وبس انتى مجنونة وحنينه اوى وعارف انى مش هلاقى غيرك بس انتى بتزعلينى زمان كنتى بتجيبى تذاكر مترو بطلتى زمان كنتى بتحكى كل اللى جواكى على طول بطلتى وعارف ان جواكى كتير ليا وعشانى وكتير هموم خايفة تشيلهالى وكتير بخاف عليكى من ضى عنيكى والهوا اللى معدى من ادامك جواكى غرام هامس لامس عيون ضيها ينور بلاد لكنى عايزة ينورلى ليلى وفعلا نورلى ليلى اقولك كمان ولا خلاص لا هقول كمان همستك حكاية نفس طالع من جواكى حاكى معاكى معانى قلب مكسور مجروح بطلع فى انفاس همومه بايدى لاجل ما افضى قلبك ليا ولكل فرح هعمله بايدى ليكى عايزك معايا وبين ايدى عايزك جوايا اقول كمان ولا خلاص يا شقيه هقول هقول فاكرة لما كنتى بتفتحى تطمنى عليا هنا وهناك فاكرة لما كنتى تضحكى ضحكة مايلة للجنان من كتر قلبك ماهو هامس متشعلق ملهوف على كلمة منى وانا برخامتى كنت برخم واتق عليها لكنى جيت اليوم اقولها " ..... " :P لا بلاش مش قايل بس هقولك جملتين ليكى واحدة وليكى واحدة منهم واحدة تهمس جواكى وواحدة كمان تقولك كلام يمكن اتسمع فى افلام لكنة طالع صافى من جوايا بطهارة قلبك الهامس الصافى اقولك حاجة بين ايدك انا طفل بين ايدك عاقل مش مجنون مجنون طاير وانا واقف على الارض قلبك دهب لا ماس لالالا الماظ اقولك قلبك مرجان ولا ياقوت بلاش رخامه قلبك قلب ماس قلبك طهارة الماس وتواضعه تواضع الماس فى سلسبيل حياتى ما قابلته ما عرفته وماعرفت حب خالص طهرنى ما لاقيت غيره فى حياتى بحبك ............. , قولتها لانى بحبك حب طفل لعنيكى اللى بغير عليها منى قلبك الطاهر حسن الظاره عينك اللامعه دلوقتى من كتر ضربات قلبك السريعه لما قولها لمعان ماس ابيض بيلمع جوا ضى عيونى دمعنى معاكى عدت قشعرة على قلبك مرفرف فوقها طيات قلبى بيضحك مش ححزين تيجى تقوليلى تعبت اشيل عنك تيجى تقوليلى زهقت ازعل منك زهقتى من اية ولا من مين قلبى ولا انا حبى ولا انا متزهقيش من غيرتى دا انتى اصلك مش عارفة انا مجنون شرقى بغير عليكى من نفسى تخيلى من نفسى زعلان منك لانك مش فهمانى زعلان منك لانك مش عارفة ابنك عامل ازاى فى حبه ليكى ولا غيرته عليكى زعلان منك لانك ام حنانها فاق كل الحنان لكنه ليا وحدى ملينى قوليلى اكتبلك اية تانى لانى مش رعشة قلبى ورعشة ايدى وقشعرة جسمى مش قادر اكتب تانى فيكى اية ومتقوليش شعر دا اقل منه لكن معناه اكتر منه انا مش شاعر انا بس ولهان عاشق متيم بحب كان نااقص من حياته جيتى كملتيه احب لما تسمعى الكلام ازعل لما تعندى وكون حاضر من طفلة عندية مدللله لابوها دى حاجة تفرح اقولك انا تهت من كتر وصفك لانى معنتش قادر اتمالك اعصابى ادام سحر وصفك وانتى مش ادامى وارجع واقول ادامك ببقى شبه البطة ومش ببقى عارف اقول اية ؟ تفتكرى انا كدا وصفى اية ؟
مجنون
متيم
عاشق
غريب
حبيب
محبوب
غيران
اقولك بلاش وصف ليا عشان انا ابنك والابن كل دا من كل دا ........... , بحــبكـ
معرفش اية اللى انكتب ولا اعرف اية اللى اتقال لكنه حاجة من جوايا ويارب توصل وتعجك بحبكـ
......................, #ديسو 

خدى منى  كلام كنت بكتبه ليكى وقت لما بفكر فيكى 

" أنا مولود " 


>> اتولد من اول لمسة ايد واول نظرة عين ...، يا حبيبتى

ويقول انا مولود حب بفرح بحزن بشجن حاسيس بيك واحشك واحشنى حبيتك حبيتنى حبنا اتولد هيظهر فى النور ويعلن عن اول حبيب لمحبوبة موجودة فى قوايم
العشاق ظاهرة فى كل نظرة عين منك ليا بصيتلك سكت اتكسفت وشك ضحك ضحكة بلهفه حب مكسوفة تانى بعين بتلمع هتدمع

الثلاثاء، 1 يناير 2013

14 / تويتر فى عز الضهر ......


( إفتراضى ).............................

دى كلمة سمعتها كتير من فترة ومازلت بسمعها هى #العالم_الإفتراضى : ...... مفهومها العلمى تقريبا  انا بحثت لاقيت دا ..
عالم إفتراضى : http://digital.ahram.org.eg/articles.aspx?Serial=96350&eid=897 .... هتفهموا معناها للى عايز يعرف من هنا .......... من هنا فهمت معناها بس مش اوى برضو مكدبش عليكم ...
طبعا انا سمعتها فى الاول مفهمتهاش  من اتنين عندى زيزو ودودو ....... #زيزو ( سردار طائفة مستحفظان ) طبعا الاسم غريب بالمناسبة دا تقريبا رتبة فى الجيش التركى بس مش عارف لسة عايشة ولا لا الصراحة , عمتا زيزو هو التويب الوحيد اللى ممكن يكون بيجمع ما بين التراث القديم والجديد فى تويتاته , بيستخدم الالفاظ المطلوبة فى التويتة عشان تديها الصدق من الاخر تحسة عايش معاك فى بيتك دور عليه بقى فوق الدولاب تحت السرير عيش , ... #دودو (إيديا فى جيوبى ) طبعا دا اسم لاغنيه منير بس فى الحقيقة هو اسم لبنوتة تجمع ما بين احساس البنت العسولة اوى والجميلة فى التويت بتاعتها من انجلش لعربى لهاشتاج #عن اللى طلع كل اللى جواها من فرح لحزن اللى قعدت تكتب فيه بتاع حوالى 5 ايام  ومازلت ع فترات متقطعة .......... كل تويب وليه همه وفرحة وحزنة من الاخر هتلاقى من كل لون يا باتيسطا زى ما بيقولوا ..... #مولى ( أمل ) الغضبانة : ثورجية روح مصر فيها ..... بتحب البلد دى اوى حرة مالهاش رئيس على عقلها هى اللى بتتحكم فيه .... #كونان : تويب من العقلاء منتحل شخصية المحقق كونان واسمه  (فضيلة الشيخ كونان ) ولا هو ... شيخ ولا هو اى حاجة ولا ينفع حتى يبقى اى حاجة غير مدنى او من الاخر مينفعش يكون غير #كونان  .... #بكر ( واقف اخر طابور العيش )  : جدع من المحترمين التويب الاشهر على مستوى تويتر بالايموشن دا :* مش بيفرق معاه حاجة بنت من ولد قشطة عادى كله ماشى بس راجل فشخ بالمناسبة دى من اشهر كلماته برضو وعلى فكرة بيتكسف فى الحقيقة ... قابلته مرتين #تخيل ..... #هديل ( ام العريف ) : التويب الرايق اوووووى الهادى اللى فى حاله تفتح تتويت لماشر اجبارى , مريم صالح , اى تويتس كدا وترد على اد المنشن وبس من الاخر التايم لاين بالنسبه ليها ورقة بيضة وقلم وفضفضة بس  ..... #سلمى : تويب رايق برضو جدا تتويت لمنير وتكتب اللى فيه القسمة وتقفل احب انا اللى فى حاله اوى بيشدنى للمتابعة بحب انكشهم اوى ... #جـــو : ( جابر ) دا بقى التويب اللى عملى تربله فى نافوخى متقلب بدرجة 360 % فى الساعة الواحدة التويت بتاعته غريبة الشكل ممكن يحب ويكره فى نفس ذات اللحظة بس غلبان جدا .... #ياسمين الوردانى : (بنت أخت كليوباترا ) : حوالى جزء كبير جدا من الناس على تويتر فاهمين او فاكرين انها فيك او متاكدين كمان تويتاتها غريبة متطلعش من بنت يعنى بمعنى اصح بس انا واثق انها بنت على فكرة بس بتمر بحالة ......  ..... مش هتكلم تانى ... #دينا (صوفى ) و #ياسمين عمارة و #البشمهندسة إنجى  :التلاتة دول  مع بعض فى نفس السطر لانهم شبه بعض فى الاراء ونفس الحاضر الغايب ونفس الاختفاء بس #جدعاااااان ... #عمرو منجاوى :  عشرة عمر بجد بقالنا بتاع 6 سنين نعرف بعض انا عن نفسى زهقت منه بس يلا كله بثوابه بس بقولك اية الجدعنة والرجولة بجد الثورجى اللى بيخاف على بلده بجد .... #ست_الكل : التويب اللى ممكن يكون شبه ديليفرى ماك كدا تحسة بيتوت وهو قاعد جنبك على الكرسى عايش معاك ... #موكشة : دى بقى اللى مشكلة بجد لما تتجمع موكشة بنت ابويا وزيزو اللى اتكلمنا عنه فوق دا اكيد فاكرينه طبعا ويتوتولا مع بعض اعرف ان التايم لاين هيشوف احلى ابداع لاحلى تويتس ....... #نوارة نجم : من التويب اللذاذ اوى انا متابعها مش عشان هى مشهورة لا انا متابعها عشان هى بتحسس الواحد انها من نفس طينتك كدا بتوت كل اللى نفسك فيك وانت يا دوب تعمل #ريتويت ....... #سارة إبراهيم : جدعنة اهل اسكندرية وبنات جدعان إسكندرية #تمت خلص الكلام .... #ممدوح (الشربيحى ) معرف معناه اية طبعا بس ممكن تسألوا لو تحبوا جدع اوى #حقيقة بس لسة مجدعش معايا هقفشة يعملى الروت للموبايل وهعرفكم ان كان جدع ولا لا .... اها بيفهم فى الاندرويد جدا وهيكتب بلوج عن الاندرويد للى محتاج اى حاجة يدخل يشوف ...... #همسة : مكنتش ناوى اكتبها بس يلا عمتا الملخص إذا نطق الخرا قال همسة واذا نطقت الرضاعة قالت همسة واذا نطقت الزبالة قالت همسة ... دا مش تهزيق لا دى اهم 3 كلمات بتكتبهم  ...... نور حافظ : تويب كدا بتحب كريستيانو رونالدوا اكتر من الشباب اللى بيشجعوا ريال مدريد اصلا ...... # نورى و#أحمد صالح : لازم يتكتبوا دول كمان فى سطر واحد اصلى مجوزهم قبل كدا بتاع 5 مرات تقريبا بس عساسيل اوى ربنا يحميهم #هع ..... #ولاء الشافعى : مصرية جدعة بميت راجل ترجع بالسلامة مصر  إدعولها # الرأى الاوسط بتحكيم العقل دايما ...... #هاجر (بنت عيون الحرية ) : انا شخصيا بسميها اخت الثوار حب البلد الاخلاق والجدعنة اللى على اصلها بجد .. #ولاء درويش : دماغ صعيدى ناشف اوى يا خال بس بنت بلد وعتره #حقيقة بميت راجل وجدعة وإرهابية بعد الضهر.... #حسام انا تقريبا مش هتكلم كتير انتوا هتعرفوا ربط الكلمة بين حسام والفيفورت طبعا و #ريمون :هو اللى لو الفيفورت بقى ليه اسم تانى هيبقى ريمون زى حسام بالظبط  .... #هايدى و # فاء.... وجهان لعملة واحدة دى بتحب منير ودى بتحب حبيبتشى وحايدى ..... #منى شوقى : مديرتى فى الشغل وعندى ع #تويتر ولازم اكتب فيها اى كلام شكر ربنا ع القوى انتم عارفين بقى .....# شيماء ( دكتوراه فى حتى ) من الاخر إذا خلق للرغى عنوان فهو شيماء بس عسل  ...... دول التويب اللى عندى من زمان جدا واتشرف بمتابعتهم ... فى ناس انتقدتنى بتقولى انت بتركز اوى مع الناس عارف كل حاجة عن كل حد عندك ؟ قولتلهم اها .. اصل#تويتر من بكتر الفولورز # ويتر بالمحبة والمعرفة الخير ليس الا ... شوف بقى انت كــ تويب جديد لما تضرب كل اللى فاتوا دول فى الخلاط شكل التويتس عندك ع التايم لاين هتبقى عاملة ازاى بقى .... #أترك_لك_حرية_الخيال .......... ارجو لو فى انتقاد محدش يزعل و # نصيحة للتويب الجداد .... اكتب حاجة كويسة عشان متقعش تحت ايدى :P  .... هو دا بقى تويتر فى عز الضهر ... تويت حب على كره على سياسة على كرة على نكش على .. على .. على ... واخيراً اسف انى هقولها لما شهيد يكون بيحتضر اخرنا ندعيله ونعمله هاشتاج بس ياريت نخرج للواقع فى ارجاع الحقوق إبدإ بنفسك .... #والمجد_للشهداء .... هما عيون الحرية ...... !!! .. كلمة شكر واجب تتقال و...
 أخيراً ...... سولا وشروق حسن وهبة عامر و منه الله و بنت ماريكا و مختار و ميمونة و انجى عبود و سبارس و إسراء و عراقى و زينة و سندس و ألاء و وشروق و ماروشكا  و هيما و عبد الرحمن و كربنتس و أ / نجلاء  و وناس كتير هفأجئكم بأسمائهم فى الجزء التانى لانهم هيبقى معظمهم مش عندى أصلا ...........................................انتم تحت النظر لسة دروكم جاى فى الجزء التانى ... 
....وطبعا بتقولوا اية علاقة تويتر فى عز الضهر بالافتراضى والمفهوم لا ليهم علاقة لان الافتراضى هو مرتبط بمواقع التواصل الاجتماعى وتقريبا #تويتر مش كدا :P ... وطبعا مش هقول ان الافتراضى بالنسبة ليا انه غير الواقعى الغير مرتبط بطبيعة او مقومات او مكان او حدث او لون او جنس او ديانة ...... وهو دا بقى #تويتر 
....... دول حصيلة ست شهور على تويتر ...... يارب ديم المحبة .... ارجو محدش يزعل 

الاثنين، 12 نوفمبر 2012

13 / ..........................................


ياسمين الوردانى طبعا منشنتنى من يومين وقالتلى عايزة اكتب مدونة إهداء لناس وكدا بس عايزة احطها عندك فى المدونة عشان طبعا ضغوطها وكدا وهى مش فاضية وكدا عشان شغلها انها تعمل  بلوج وتعمل اكونت بقى وكدا يعنى .... انا عن نفسى يعنى اخدت وقت ع بال ما عرفت اتعامل معاه بمساعدة ناس اكيد #اعترف ........... المهم .... ياسمين الوردانى من اجدع الناس اللى عرفتهم عن طريق بنت عيون الحرية البنت الجدعة الطيبة اوى يعنى .......... كان المفروض انها طلبت انى احط تاتش بس بجد عجزت عن انى احط تاتش فى الكلام دا لانه بالتاتش بتاعة كدا طالع من القلب للقلب .....  انا اخدت الكلام كوبى بيست #ديسو  .... مش هطول شوفوا كاتبة اية ويارب يعجبكم ...


13 / اسمها أفكار...مبعثره.. وممكن تغير العنوان لو عايز انا ديموقراطيه ( :D )
 طول عمري بدور علي شئ غامض يكون مثير زي ما كان بيتحكيلي في القصص الخياليه ..نزلت..لفيت ..عرفت وجوه كتيره اكتشفت اسرار يمكن تكون واقعيه ومفهاش خيال لكن كل شخصيه تحمل الكثير من المشاعر المتباينه كحال كل انسان..وجوه كثيره تحمل معاني مختلفه ..في الضاحك والحزين والمبعثر وفيه كمان اللي مش فارقه معاه اكتشفت ان كل واحد فينا مهما اختلفت مكانته فهو مهتم ومشغول بحاجه اسمها ...لقمه العيش ....وفي وسط كل ده ضغوط الحياه اكتشفت ان فيه نسمات ممكن تهون الحياه مش بالمساعدات ولكن باللمسه الرقيقه والاسلوب العذب ..حاجه اسمها الصداقه العمله الصعبه في الدايره المغلفه بالصراعات ..ولما ركنت لنفسي وحاولت ان ألم افكاري المبعثره بداخلي لقيت نفسي فاضيه ..اه والله فاضيه فكريأ ..لكن الحمد لله ان مش جوايا كره او حقد علي اي انسان......ووجدت بعد كتابه هذه الكلمات انها مجرد افكار مبعثره بداخلي بعيد عن اي غموض وخيالات لانها موجوده ومش هتروح ابدا :)) ....
مين فينا مش كدا بجد ؟ 
وسط بعثرتي لقيت اسماء بتعوم جواها حبيتهم في زمن قياسي قلبي عشقهم بالرغم ان كتير منهم ماشفتهمش...
 امل السيسي الثورجيه العنيفه الجدعه الطيبه, هاجر قلب الثوره الطيب , دعاء مزه الترام , ياسمين عماره توأمي , تاليا صديقه عمري, بوبا كونتينر ضحك علي بعضه  , دسوقي ابو قلب ابيض وصاحب صحبه , مريومتي صديقتي الجديده الجميله , حموده الجنتل مان , روان اللمسه الرقيقه , مهره الغزالي القلب الناعم الجميل , خايفه أنسي حد بس انا بحب الكل ومش هقدر أنسي.....أرجل واجدع شخصيه عرفتها في حياتي "محمد محي" اه ورانيا صديقه الحرم المكي , هاله بعشقها , فيلسوفه الغبره شرياني , نونا وشيمو الرئه اليمني واليسري ( :D ) .......... #بنت_الوردانى   

الاثنين، 5 نوفمبر 2012

12 / ( برج الأسد ):





* لماذا سمي ببرج الاسد؟؟
تروي لنا الاسطورة انه كما كان لجوبيتر مغامراته الغراميه فقد تعددت ايضا مغامرات ابنه هرقل ولكنها كانت من نوع اخر وهي مواجه التحديات والصعاب والمخاطر ومن اهم تلك المغامرات مواجهه الاسد الضخم في نامسيا وكانت هذه المواجهه من اثنى عشر تحديا قد فرضت عليه تكفيرا لاقدامه على قتل زوجته واولاده الصغار في لحظه غيرة جنونيه وقد دفعته الي ذلك زوجه ابيه هيرا الحاقده وبعد ان قتل هرقل الاسد بكل شجاعه اطلقو اسمه على مجموعه من النجوم تخليدا له .

* صفات عامة لبرج الأسـد


غطرسة , حب للسيطرة وشخصية فذة
قد يصادف وان تلتقي احد مواليد برج الأسد وتجد عنده الوداعة والهدوء ولكن حاول إن تستفزه فيسقط قناع الوداعة
الأسد واثق من نفسه , من خطوته ,من أرائه , يسعي لان يكون دائما في الطليعة آمرا وليس مأمورا
يرفض إن يستمع إلي نصائح الآخرين مع إن عنده متعة كبيرة في إسداء النصائح وإلقاء العظات
الضيف عند مواليد الأسد معزز ومكرم ويحاولون إن يشعروه انه في جو مميز وأنيق لنقل الانطباعات الايجابية للآخرين
المال عندهم وسيلة للعيش ببحبوحة , يصرف دون إن يسال , المهم انه يمضي لحظات ممتعة
ما يساعدهم علي تبؤ مراكز كبيرة إخلاصهم في العمل , قلة من مواليد برج الأسد ينعون حظهم ويشكون همهم
متفائل ويعرف كيف يخلق جوا له وللآخرين , قد يخترع حديثا أو حدثا ليلهيك عن التفكير بهمومك ومشاكلك , وإلا ساعدك فعلا للتخلص من مشكلتك
نادرا ما تصيب الأمراض المزمنة الأسد الحساسين بشكل واضح تجاه الرشح والمهيأين للحمي والحرارة المرتفعة عند تقلب الطقس , كما إن بعضهم قد يصاب بوجع في الظهر
أكثر ما يعرض الأسد للمرض إهماله لنصائح الطبيب مع انه يفرح عندما يجد نفسه محط عناية الآخرين بت
كبرياء الأسد قد تبعد الأصدقاء والأقرباء عنه , وتعلقه بالمظاهر والقشور في بعض الأحيان قد ينسيه الأهم , أما الأسد المغرور فيتحول إلي اقرب المقربين في الساعات الصعبة كان ترى دموعا في عينيه
مولود برج الأسد لا يستطيع العيش بدون الحب , عنده عنصر ضروري للعيش كالماء والهواء قد يتعرضون لخطيبات عاطفية في حياتهم , ولكن من خيبتهم يولد عزم قوي للحب من جديد
الأسد لا يحب سرا بل علانية , لأنه مؤمن بالحب الخالد , بالحب المثالي , وفي علاقته يتحول إلي فارس يظهر للحبيبة قوته , يقدم لها أغلي الهدايا دلالة علي محبة ومقدرة في إن واحد
الخيانة عند الأسد مقبرة الحب , حبه فريد في عصرنا هذا

* علاقة الرجل الأســد مع بقية الأبراج من الناحية العاطفية


الرجل الأسد والمرأة الحمل

ما من امرأة تستطيع التغلب علي هذا الرجل أو التوازن معه إلا الحملية , مناقشة وتحد , أو كراهية , أو حب يشبه المجد

الرجل الأسد والمرأة الثور

الاسدي ياسر الثورية برجولته , وحضوره يشعرها أكثر بأنوثتها , إن ارتضت سلطته بقناعة وليس ادعاء , شكلا ثنايا جميلا

الرجل الأسد والمرأة الجوزاء

الجوزائية اللافتة للنظر والواثقة من تأثيرها علي الجنس الأخر قد يشكل الأسد عنده مغامرة جديدة , إنما الخيبة الكبيرة تكون عندما ينقلب السحر علي الساحر

الرجل الأسد والمرأة السرطان

قد يجد الأسد المشغول دائما عند السرطانية ما لا يجده عند غيرها من القناعة وحب الاستقرار , لكن في البيت قد تكون سلطتها اكبر فهل يرضى

الرجل الأسد والمرأة الأسد

علاقة يسودها التفاهم والرضي وتجمع كثيرا من القواسم المشتركة , صحيح إن الرتابة قد تتخللها إنما لا يمكن إن تسير بها نحو الفشل

الرجل الأسد والمرأة العذراء

حكمة هذه المرأة قد توقظ عند الأسد شعورا قلما يشعر به , وهو انه يخطئ مرات حتى ولو لم يعترف بذلك , العذرائية صاحبة القدر القدرة تهنا لقرب الأسد لأنه اقدر

الرجل الأسد والمرأة الميزان

قلما تنجح علاقة بين رجل أسدي وامرأة من برج الميزان , لان عشق هذه المرأة لكل ما هو جميل قد يغضب الأسد الساعي إلي التحكم بالأمور والحكم عليها من منظاره الخاص ولا يرضي تعليقا من احد أخر

الرجل الأسد والمرأة العقرب

اتفاق علي المبادئ إنما المرأة العقرب أكثر عمقا , في حين إن الاسدي اقوي حضورا , إذا أضيف العمق إلي قوة الحضور لشكل عنصرا مهما في إنشاء علاقة متينة

الرجل الأسد والمرأة القوس

النزعة الاستقلالية حاضرة بقوة عند الاثنين إذا تخاطبا من خلالها اتفقا , إما إذا تمسك كل طرف بها وكأنه واضعها فسيحصل الخلاف , ولكن في حال الاتفاق قد تنجح هذه العلاقة بنسبة كبيرة

الرجل الأسد والمرأة الجدي

ملل يصيب هذه المرأة من فلسفة الرجل الأسد , تسايره ولكن لا يمكن لها إن ترضي به شريك حياتها , صحيح إن الحضور اللافت يسحرها إنما الفلسفة في الحديث تربك تفكيرها

الرجل الأسد والمرأة الدلو

مهما اختلفا فهما قادران علي الاتفاق , عند كل منهما شعور بأنه خلق ليكون قرب الأخر , إذا العلاقة بينهما واردة حتى في حالات الاختلاف

الرجل الأسد والمرأة الحوت

تسلط الرجل الأسد علي المرأة الحوت يحولها من إنسانة حساسة إلي نمرة شرسة مستعدة للانقضاض علي فريستها كل ساعة , ولكن الفريسة هنا أسد فالانقضاض مستحيل مما يعني إن العلاقة صعبة

مشاهير الاسد أحمد الدسوقى , ميي ويست ، نابليون بونابرت ، آندي وورهول ، جورج برنارد شو ، عمر الخيام ، كارل جي جنغ ، جاكي أونيسس ، أرنولد شوارزنيغر
الخلاصة
الكوكب :الشمس
ارقام الحظ :14- 13- 32-41- 50
الاحجار :الياقوت،العنبر
البرج :ناري
يتوافق مع   :   القوس - الحمل،الدلو

الاعمال الملائمة : مدراء، مهندسين معماريين، مخترعين، مدرسين، رياضيين ومدراء

ايجابيات : كريم، دافئ القلب، مبدع، حماسي، واسع العقل، وفي محب

سلبيات : يحب المفاخرة والغطرسة، متسلط، يتدخل بشؤون الغير، متشدد وغير صبور


#برج_الاسد ...................معظمه مقتبس ....................... #ديسووووو .......................

........ دا بإذن الله .... يعتبر جزء أول ولسة فى تانى طالما ............... فى تايم لاين مع أحلى ناس هنا ............ #ديسووو .......... يتحدث...................

11/ ( إفتــــكـــــروهــــــــم ) :

لو لسة فى العمر بقيه .......... هنوافيكم بالجديد ...... فتكروهم شهداء المجزرة .....كانوا رجالة راحوا وراء فريقهم فى عز التشدد الكروى قالك بلطجية .....قالك حرامية ....... هما هما رجالتنا ........رجالة اهلاوية .........اجدع ناس ....اطهر شباب .........قالك اولتراس .....قولتلة دول اللى خلوا للكورة طعم معنى التشيجع معنى الحرية معنى انك بتفدى بدمك ناديك وبعد كدا تقول الدورى مستمر ...... هات حقهم ......... واعمل اللى انت عايزة يرجع ميرجعتش ................#مقاطع ........للدورى المصرى كله .......... لحد مانجيب حقهم .....انا زملكاوى اه بس بعيداً عن الكورة اللى مات دا اخوايا ............. #ديسووو .........